Hauteskunde-kanpainan aho handiz aipatzen da AIARA, eta hala ere, behin hauteskundeak igarota, Aiarak indarra galtzen du, eta benetan garrantzitsua dena azaleratzen da. Baina, kanpaina garaian “nire postua, nire alderdia” esatea ez da politikoki zuzena. Ikusi dugunez, hori da Gentza Alamillori azken lau urteotan gertatu zaiona. Izan ere, gehiengo osoak bera den bezala agertzeko aukera eman dio. Udalerria eta haren beharrak ezagutzen omen zituenez, Aiararen eta bertako biztanleon aldeko kudeaketa defendatzen bazuen ere, azkenean honako hauek definitu dute bere kudeaketa:
1. Interes alderdikoiak: uraren kudeaketa eta saneamendua.
2. Ezagutza gutxi, interes gutxi edo gaitasun gutxi: Administrazio Batzarren egoera eta horiei laguntzea. Biztanleria zahartzen ari da, tramitazio burokratikoa zaila da, eta Gentzak teknikariak kontratatzea baino ez du bideratzen, udalaren lana babesteko. Figura berri bat kontratatu du, lanaldi erdiko ardurarekin, Batzarrei laguntzeko. Baina, azaldu duenaren arabera, ezin du paperak betetzen lagundu. Benetan ezagutzen al du Batzarren beharra? Zalantzarik gabe, ez. Edo ez ditu lagundu nahi. Edo ez da kudeatzeko gai, eta Udaleko idazkaritza da figura hori kudeatzeko arduraduna.