Orain gutxi, komunikabide batek, “Cabacas efektua” titularpean, Ertzaintzaren jokabidea baldintzatua dagoela esaten zuen. Iñigoren heriotza gertatu zenetik, ezin dutela lehen bezala “lan” egin; Ertzaintzaren jardun guztiak luparekin begiratuak direla eta mandoak zorrotzagoak omen direla.
Albistearen arabera, polizi iturriak oinarri, lehengo garaiak hobeak zirela ematen du. Gusturago ibiltzen omen ziren manifestari, grebalari, etxegabetu, langilea edo herriko tabernetan sartzen direnak arrazoirik gabe jipoitzen.
Hala ere, Ertzaintza garai berrietara egokitzen ari dela, aldaketa sakonak eman direla sinestarazi nahi diote jendarteari. Zoritzarrez, Iñigoren senideok hori gezurra dela badakigu. Sinesgarria litzateke, Iñigoren erailketa argitzen lagunduko balute, aginte kateko ardurak onartu, frogak eta arduradunak epaitegira eramango balituzte, gomazko pilotak benetan debekatuko balituzte, identifikazioa ikusgai jarriko balute...
Sinesgarri izan nahi badute, bortizkeria eta inpunitatearekin amaitu behar dute