Pasa den urtetik jakin badakigu Fracking edo haustura hidraulikoa benetako mehatxua dela gure eskualdean. Ekainean Aiaraldean egondako kamioi bibragailuak froga argia izan ziren.
Eta indarrean dauden baimen ezberdinek (SAIA, USAPAL, MIRUA) gure lurralde osoan eragina dute.
Enpresek eta zenbait alderdik frackingaren eztabaida baztertu nahi duten bitartean, herritarrok ezin gaitezke geldirik egon, haien hurrengo erasoaldia itxaroten.
Baliteke une hauetan gure herrietan kamioirik edo enpresarik ez ikustea, baina haustura hidraulikoa egin nahi dutenak lanean daude; euren bulegotan hain zuzen ere.
Horren aurrean, eztabaida lokartu ez dadin eta politikari guztiek haien jarrera erakutsi dezaten, frackingaren aurkako mugimenduakHerri Ekimen Legegilea abiatu zuen martxoan, oso gauza erraza eskatzeko: haustura hidraulikoaren debekua Eusko Autonomia Erkidegoan.
Horretarako ahalik eta sinadura gehien behar ditugu. Oraindik sinatu ez baduzu, Aiarako San Isidro azokan eta Amurrioko Txakolin egunean topatuko gaituzu laster.
LAGUN AGURGARRIA:
Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
Faktoria izan, egin zaitez bazkide.
Aiaraldea Hedabideko lantaldea.
Izan bazkide