San Joan Astobitzako jaiak

Erabiltzailearen aurpegia

Uda gerturatu ahala, herri eta auzoetako jaiak agertzen doaz eta gure herria den Laudion beste gauza batzuetaz igual ez, baina jaiak ospatzeaz zer edo zer badakigu. Urtero legez, udako lehenengo jaiak San Joanak izango dira eta, nola ez, San Joan Astobitzako baseliza inguruan ospatuko ditugu.

Famatuak ditugu Landaluze-­Larrazabal auzoetako jai hauek. Bertan egiten diren taloak, bola txapelketak, krosa eta urtaro berrian sartzen garenaren berri ematen digun sua; su mitikoa batzuentzat, magikoa beste batzuentzat, eta beti ere beharrezkoa denontzat, aurten ere faltako ez dena.

Su osteko erromeri eta parrandak xelebreak izaten dira, urteko gaurik laburrena izanda nahikotxo luzatzea gustatzen baitzaie normalean gure herriko parrandazaleei.

Aurtengo jaiak berezitzat har ditzakegu gainera. Izan ere, herriko jai zaharrenetarikoa izanda, jai batzordea gazteenetarikoa da pasaden urtean egin zen belaunaldi aldaketa medio. Baina baloreak berdinak izaten jarraitzen dute: Astobitzako San Joanetan antolatzen diren jai euskaldun eta mitikoak ez galtzea.

Animatu eta parte hartu!

LAGUN AGURGARRIA:

Bisitatzen ari zaren web-gune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide