Albistegi eta egunkarietan agertzen ez dena ez omen da existitzen, beraz, Gazako su etenaren ostean Palestinako arazorik larrienak amaiera ikusi du. Era berean, ETAk ekintza armatuak egiteari utzi zionetik Euskal Herriak bakea besterik ez du bizi izan; behingoz, normaltasuna, azkenean.
Normala ez, baina ohikoa da honelako gezurrak irakurri eta entzun behar izatea joera nagusiko komunikabideetan. Gatazkak sinpletu, sakontasuna ekidin eta kontzeptuak eraldatuz kontsumitzeko errazak diren informazio-paketeak ekoiztearekin batera, bizitza atzemateko sistemaren aldeko prisma berriztatzen da, adibidez, han edo hemen okupazioak eragiten dituen ondorioetaz hitz egitea saihesten denean, intentsitate baxuagoan (hilketa edo suziririk gabeko) biolentzia gauzatzen denean “kolonialismo” edo “inperialismo” bezalako hitzak baztertzen direnean, eta baita zapaltzaileen kontrako erresistentziari dagokionean “terrorista” irakurri edo entzuten dugunean.
Oraindik asko dago egiteko, Palestinan aukerarik onena boikota (BDZ kanpaina) bada ere, Euskal Herrian eta beste herrietan elkartasuna da beharrezko oinarria.