Malmasinpetik, Untzuetapera

Erabiltzailearen aurpegia Andoni Gorostiaga 2014ko urr. 9a, 09:24

Untzuetan zegoen gaztelua Nafarroako Erresumarena zela ezagutarazteko ekitaldiak antolatu ziren apirilean. Ekimenean “historia modu txapuzero batean manipulatzeko beharra” (sic) ikusi duenik bada, Aiaraldeak egindako bideoa kari. Bideoa berrikusita bestelako iritzia dut.

Bizitza Malmasin eta Untzuetapean pasatu dut. Historia ofizialak ezkutatu digu bi tontorretan nafar gazteluak zeudela. Lekuz kanpokoa da jakobinoekin konparatzea; frantses eskolaren nos ancêtres les gaulois (gure arbaso galiarrak) euskaldunei “irakastea” gezur galanta da, aldiz Malmasinen eta Untzuetan Nafarroako Erresumako gazteluak egon ziren esatea zuzen eta zientifikoa da. Ez ditzagun planoak nahas; etorkizuna historian oinarritzearekin ez nator bat. Egungo herritarrek erabaki behar dugu geroa. Ekitaldian, ordea, ez dut historiakeria hori ikusi, zilegi den “geure oroimen historikoa berreskuratzeko” ahalegina baino; neure bizitzaren ardatza diren lekuen pertzepzioa aberastu didatelakoan nago.

Eta orain goazen XXI. mendeko euskal herritarrak geure geroaren jabe izan gaitezen borrokatzera.

LAGUN AGURGARRIA:

Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide