Ez utzi hiltzen!

Erabiltzailearen aurpegia

2010ean ospatu zen azkenengo aldiz Laudioko Gazte Eguna. Datorren azaroaren 22an, lau urte geroago,berriz ere izango dira Laudioko kaleak gazteen topaleku. “Ez utzi hiltzen” lelopean Laudioko Gazte Asanbladak herriko beste hainbat gazte (ta ez hain gazte) kolektiboekin batera ekintzaz jositako eguna antolatu du. Baina zer dela eta dago hilzorian Laudioko gazteria? Herriko gazteak aisialdiaren kontsumitzaile huts bihurtu gara, lokaletan giltzapetuta pasatzen dugu denbora, era begetatiboan, herriak guri eskaintzeko duenaren zain.

Pasibotasun horrekin apurtu eta Laudioko gazteria aisialdiaren parte aktibo bihurtzeko asmoarekin dator Laudioko Gazte Eguna, norbanako eta eragile desberdinen artean harreman berriak sortu eta harreman zaharrak estutu, kaleak berriro ere gazteriaren sorleku eta dantzaleku bihurtzeko asmoarekin. Herriak guri emango digunaren zain egon ordez Laudioko gazteok herriari eman ahal dioguna zer den pentsatu behar dugu. Azaroaren 22an dugu Gazte Eguna, baina ez da egun soil batean geratuko. Laudioko gazteriak taupaka jarraitzea da helburua urteko 365 egunak izan daitezen Gazte Egun! Animatu, parte hartu eta ez utzi hiltzen!

LAGUN AGURGARRIA:

Bisitatzen ari zaren web-gune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide