Ados

Erabiltzailearen aurpegia

Arrankudiagako Ernai gazte antolakundeak hurrengo irakurketa egiten du pasa den azaroaren
2an Arrankudiaga-Zollon egin zen Euskal Herriko subiranotasunari buruzko galdeketaren inguruan:

Lehenik eta behin, Ados plataforma zoriondu nahi dugu, eta eskerrak eman eginiko lanagatik,lan gogorra eginda eta traba guztiak gaindituta, arazo batik lortu dutelako galdeketa egitea eta Arrankudiaga-Zolloko biztanleek egun historiko horretan era demokratiko batean euren etorkizunari buruz duten iritzia argi uztea.

Zoriontzekoa da ere biztanleen erantzuna, argi utzi dugulako zein den gure nahia, eta gainera
zilegitasuna eman diogulako galdeketari, aukerarik eman gabe kritikatzeko, era demokratikoan
eman baitugu biztanleok (biztanle guztien ia % 62) gure iritzia.

Gureari dagokionez, gazteria ere zoriondu nahi dugu, hauteslekuan erakutsi duen konpromisogatik, gazte gehienak joan baitziren bozkatzera eta, ez bozkatzera bakarrik, egunean zehar lan handia egin baitzuten gehienek. Horregatik ere zoriondu nahi dugu
plataforma, herria aktibatzea lortu duelako, baita herrian interesa eta ilusioa piztea ere.

Emaitzei dagokienez, Arrankudiaga-Zollok argi utzi zuen zein den bere nahia: independentzia.Emandako botoetatik ia % 90 independentziaren aldekoak izan ziren, eta hori da gure nahia ere, Adoseko bozeramaileak esan bezala, hautetsontzia ez zen botoz bakarrik bete, ilusioz ere bete zen, aurrera jarraitzeko ilusioz. Horregatik, biztanleak borrokan jarraitzera gonbidatu nahi ditugu, Espainiako eta Frantziako blokeo politikei aurre egiten jarraitzeko, eginiko lana ez dadin egun bakarrean eta zenbaki hutsetan geratu. Inoiz baino gehiago borroka garaia delako eta
argi eta garbi utzi behar diegulako ez dugula haien parte izaten jarraitu nahi. Esan bezala, gure
erabakia argia da; independentzia da gure helburua, eta Euskal Herri independentea, feminista eta sozialista lortu arte borrokan jarraitu behar dugu.

Jo ta ke Euskal Herri independentea, sozialista eta feminista lortu arte!

LAGUN AGURGARRIA:

Bisitatzen ari zaren web-gune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide