Zuhaitzak naturarekin eta osasunarekin eralzionatzen dugun sinboloetako bat dira. Betidanik izan dira zuhaitzak bizitzarentzako funtsezko. Euren fruituak eta egurra ematen dizkigute.
Urduñako Vitoria errepideko zuhaitzen mozketa galerak ordainezin bat suposatzen du. Min egiten digu horren izaki bizidun garrantzitsu eta adierazgarriak kontuan ez edukitzea. Egia da platanoak direla eta ez dutela haritzak euskal kulturan duen tokiko garrantzi sinbolikoa. Baina horregatik ez dio zuhaitz bat izateari uzten, zuhaitz bat izateak dakarren guztiarekin, ez dela gutxi. (...) Zibilizazioaren eta ingurugiroaren arteko borroka etengabe eta amaigabean, berriz ere zibilizazio kontsideratzen dena gailentzen da. Naturaren aurreran berriz ere irabazi du asfaltoak, autoak eta presak. Ezingo litzateke trafikoa semaforo bidez erregulatu? Gehiago axola zaigu garaiz iristea paisaiaz gozatzea baino? (...) Pentsatu da Urduñara errepide lasaiez gozatzera datozen txirrindulariengan? (...)
Pena eta haserrea sentitzen dugu naturarekiko mespretxu honengatik, ondare usurpazio honengatik, eta urduñako hiritar guztiekiko sentsibilitate faltagatik.