Munduko 80 pertsona aberatsenak 3.500 milioi txiroenak bezain besteko oparotasunean bizi dira. Datu honen aurreko erantzuna zifren arteko desberdintasuna bezain ozena izan badaiteke ere, erabaki-hartze esparruetara ez da oihartzunik heltzen. Davos-en ospatutako Mundu Ekonomia Forumean adibidez, Europako hainbat herrietako biztanleria txirotu dituzten neurriak txalotzen ikusi ditugu. Forum horretan bildutakoak dira AEB eta Europaren arteko Merkataritza eta Inbertsioen Itun Transatlantikoa (TTIP) sustatu eta isilpean, eztabaidari lekua utzi gabe, hain eragin lazgarriak izango dituen ituna onartuko dutenak.
Lan baldintzak okertu, zerbitzu publikoen pribatizazioa eta transnazionalen gailentasuna indartu, eta elikagai eta ingurugiroan segurtasun baldintzak murriztu dira itunak ekarriko dituen eraginetako batzuk, dagoeneko sakona den desberdintasuna handituz, herri langilearen kontrako tresnak sendotuz eta sustengarritasun ideologiko zein ekonomikorik ez daukan sistema hegemonikoaren indarrezko ezarpenari ekinez.
Esku-hartze inperialistaren aurrean herri-mailako alternatibak eraikitzeko garaia da.