Ikasleok altxatu gara gaur, martxoak 17an. Erreforma inposatuak apurtzeko altxatu gara. Euskal Eskola Nazionala eraikitzeko altxatu gara. Ikasleok kolektiboki apurtu eta eraikitzeko altxatu gara.
Indarrean dagoen hezkuntza sistema ustela apurtuko dugu, nazio bezala ukatzen gaituena, guztiok euskalduntzeko balio ez duena, genero dikotomikoetan hezi eta gure arteko botere harremanak normalizatzen dituena, herri jakintzak barnebiltzen ez dituena...
Azken finean, kritikotasun eza eta memorizazioa ardatz nagusi bezala planteatuz, lan merkaturako hezten gaituena.
Honen aurrean, ikasleok, behar dugun hezkuntza ereduaren eraikuntzan eta aldarrikapenean aurrera goaz, hezkuntzan egiten diren aldaketak behingoz herriaren mesederakoak izan daitezen.
Apirilean LOMCE desobeditzera bidean Herri Eskolak egingo ditugu Aiaraldean. Cristina Uriarteren inposaketen gainetik, LOMCE eta Heziberriren gainetik, Euskal Eskola Nazionala eraikiko duen ikasleri borrokalaria gara.
Geroa marrazteari ekin diogu jada eta eraikuntzara salto egin dugu.
