Kontsumo eredu berri baterantz

Erabiltzailearen aurpegia Iñaki Urkixo eta Mikel Ayllon 2016ko api. 20a, 14:00

Laudioarron kontsumo-eredua aldatuko duen proiektu berri bat jarri nahi dugu martxan: kontsumitzaile eta ekoizleak elkartuko dituena, kontsumo arduratsua sustatuko duena, tokiko produktuen alde egingo duena, elikadura-burujabetzan aurrerapausoak emango dituena...

Proiektu hau abian jartzeko ekuazioak osagai asko ditu: ekologia, osasuna, bizitza, oreka, duintasuna... baina garrantzitsuena falta du: zu.

Zure iritziak, zure ekarpenak, zure nahiak, zure ametsak… ezinbestekoak dira proiektu berri eta anbiziotsu honi ekiteko. Orain arteko eta gaur egungo ekimen guztiak aintzat hartu eta elkartuko dituen proiektu bat.

Horregatik, esateko daukazun guztia entzuteko jardunaldi bat prestatu dugu. Bide honetan aspaldi hasi zaretenak, kuriositatea daukazuenak, aurrerapauso gehiago eman nahi duzuenak... den-denok gonbidatuta zaudete.

Apirilaren 23an (larunbata) izango da zita. Kafe tertulia formatuan egingo da, 10:00etan Laudioko Kultur Etxean.

Giro atsegina, jan-edatekoak eta ideiak konpartitzeko gogorik ez da faltako!

LAGUN AGURGARRIA:

Bisitatzen ari zaren web-gune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide