Hamabost urte beteko ditu Orbeko Etxeak ekainean. Denbora honetan guztian denetarik izan dugu Laudioko etxe okupatuan. Zorionez une gehienak positiboak izan dira, baina gure gorabeherak ere jasan ditugu. Auto-kritikari eta jendearen borondate onari esker, une latzei aurre egin genien eta, jarrera honen ondorioz, gaur egun sasoi betean gaude asanbladan eta etxean.
Hasieratik bertatik hainbat ekimen antolatu dira Orbekon: tailerrak, serigrafia zerbitzua, liburutegia, boulderra, hitzaldiak, distriak, jardunaldiak eta hamaika kontzertu, bertoko taldeekin bereziki baina baita nazioartekoekin ere. Ekintza horien ardatz nagusia auto-kudeaketa izan da beti eta, jakina, militantzia kutsu batekin. Azken finean ez baitugu inolako etekin ekonomikorik atera nahi, beste gestio eredu bat bultzatu baizik; esan beharrik ez dago Orbeko asanblada edonori irekia dagoela.
Gaur egun nor garen eta Orbeko zertan datzan jakiteko gure bloga bisitatu dezakezue: https://orbekaos.wordpress.com.
Jakina, urtebetetzea ospatzera gonbidatzen zaituztegu. Utzi ditzagun aurreiritziak alde batera eta disfrutatu dezagun!