Batzuek ahoa hitz politez bete eta hankamotz dauden lorpenen inguruan hitz egiten duten bitartean, martxoaren 8a feminismoa zorrozteko eta bizi garen sistema heteropatriarkalak kapitalistari hortzak erakusteko eguna ere badela aldarrikatu nahi dugu.
Loreak eta zorionak oparitzen dizkigutenei, martxoaren 8a (ere bai) borroka eguna dela argitu nahi diegu. Borroka eguna, martxoaren 8ak biltzen dituen topiko eta konnotazio guztiez gain, indarkeria matxisten erasoetatik defendatu beharrean jarraitzen dugulako: ikastetxean, kalean, lantegietan... Gainera, bi aldiz erasotuak sentitzen gara: erasoen aurkako protokoloak askotan ez direlako aktibatzen, eta oztopoak besterik ez ditugulako aurkitzen!
Era berean, onartu beharra daukagu, aspaldi utzi geniola sinisteari instituzioetatik bidaltzen dituzten mezu eta hitz emate horietan, jada nazkatuta gaude! Horregatik neska gazteok autodefentsa feminista [guk geuk eta geure modura] arma izanik, elkarrekin hazi, indartu eta garenaz harro egon behar dugula argi dugu! Inorengandik ezer espero gabe, inori baimenik eskatu gabe!