Ausarten garaia da

Erabiltzailearen aurpegia

Bizi dugun garai honetan, interes handia dago beldurra lau haizetara zabaltzeko. Hori, dena den, ez da kasualitatea; izan ere, beldurra da, ziurrenik, mugimendu disidente oro kontrolatu, menderatu eta geldiarazteko armarik baliotsuena.

Hedabideak sistema neoliberalaren morroi dira, eta haien eginkizuna da gure artean izua zabaltzea. Terrorismoa, ebola, klima aldaketa, krisi ekonomikoa, dirua eta lana lapurtzen diguten immigranteak (Maroto jauna dixit) eta beste hainbat kontu baliatzen dituzte horretarako. Ukaezina da kontuan hartu beharreko arazoak direla, baina haiek tragedia eta mehatxu handi gisa aurkezten dizkigute. Ondorioz, beldurra, borrokatzeko gogorik eza, indibidualismoa eta konformismoa zabaltzen dira. Elkartasunik eza eta egoismoa nagusitzen dira, eta hala gizartearen arazoen aurrean entzungor egitera bultzatzen gaituzte. Kontrolatu eta menderatzen gaituzte; sistemaren eta geure buruen esklabo gara.

Euskal Herrian hainbat arlotan borrokatu izan dugu: gizartean, politikan, ekonomian, lantokietan, nortasun-kontuetan... Ezinbestekoa da, beraz, borroka hori berpiztea lan-esparruan, auzoan, ikasketetan, aisialdian eta gainerako eremu guztietan, morroi gisa erabiltzen gaituen sistemari aurre egiteko. Herritarren arteko batasuna, horra hor sistemaren zutabeak kolokan jartzen dituen tresna. Inpotentziaren eta beldurraren aurrean, beraz, elkartuta lan egiten dugunean pizten den botereaz eta indarraz jabetu behar dugu, eta bide horretan aurrera egin.

LAGUN AGURGARRIA:

Bisitatzen ari zaren web-gune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide