Zergatik utzi kantatzeari

Erabiltzailearen aurpegia

Urte bukaera erreflexioaren aitzaki izatearen tristeziak hunkitzen nau, egunaren hogeitalau ordu eskasak,zaporerik gabeko mementuak, laburtzen doazen minutuak… bizitzaren erritmo eroak. Erlojuari so eta kantatzeko denborarik ez.

Gizartearen eskakizunak hori egitera behartzen gaituelakoan gaude, baina oker. Bizitzaren gerizpetan ahalik eta denbora gutxien egotea da gomendagarriena, denborarekin, gerizpeak iluntasun planta hartzen duelako. Faltan botatzen zaitut, hogeitalau ordu eskas horietan, niretzat garratzak diren mementuetan eta jada minutuak ez diren minutu horietan. Hemen egon beharko zinateke, gugana hurbildu, gure artean, gurekin, gure baitan… Denborarekin joan zinen, denbora bilakatuz eta kantak eraman zenituen. Urrun zaude eta hemen egon beharko zinateke. Berriro kantatuko dugulakoan nago, berriro kantatu nahi dut.Ezin diogu kantatzeari utzi, kantak zuregana hurbiltzen gaituelako.

Ordorikaren akorde grabeak, Rosenvingeren leuntasuna eta Anje Duhalderen soinu bereziak…horra eta hona eramaten gaituztenak. Gozoa eta gazia aldi berean, bizitzaren erritmo eroaren moduan. Eta doinuen artean, urte bukaerako erreflexio kantatua; Zergatik utzi behar ote diot, zergatik utzi kantatzeari…

LAGUN AGURGARRIA:

Bisitatzen ari zaren web-gune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide