aiaraldea.eus

Bizitzaz dakigun apurra

Erabiltzailearen aurpegia Itziar Urquijo Cela   Iritzia

Tradizioz, bizitzaren zirrikitu guztien inguruan aritu gara hain zabala den terminoa murriztu nahian. Konplexutasuna sinpleegi bihurtzearen arriskuan erori eta jaiotzetik heriotzara doan denbora-bitarte moduan aurkeztu da sarritan bizitza. Gauzak ulertu ahal izateko, mugatzearen beharra sentitzea izan daiteke gizakion akatsetariko bat gaur egun.

Hala ere, ezer gutxi dakigu bizitzaz. Iraupena finkatzen saiatu ginen, bataz-besteko 80 urteko ibilaldiaz arituz. Gaur egun, jakin badakigu bizitzaren iraupena neurtzeko bidea hori ez dela. Honi lotuta, emakumeen bizi-itxaropena gizonezkoena baino luzeagoa dela argi daukagu. Zoritxarrez, gezurra dirudi egunerokotasunaren zertzeladak ikusita.

Bizitza, aurrera begiratuz egin beharreko bidaia omen dela entzun dugu betidanik, baina ulertu ahal izateko berriz, atzera begiratu behar momentu oro. Bizitzaren xedeaz ere aritu dira asko, garapen pertsonala lortzea, maitasuna besarkatu ahal izatea… pertsonalki, bizitzaren xedea, bizitzaren erritmora dantzatzea dela uste dut, bidai honetaz barre egin eta gauza guztien gainetik, BIZITZEA.

Erantzun

Erantzuteko, izena emanda egon behar duzu. Sartu komunitatera!

»» Alta eman edo pasahitza berreskuratu


Twitter ikonoa Facebook ikonoa