Ostegunean Zaraobe ikastetxeko garraio arduradunak bertan ikasten duten Artziniegako ikasleen familiekin kontaktuan jarri ziren. Izan ere, ikasturte honetan ikasleek "La Union" autobusa hartu beharko dute ikastetxera joateko.
Garraioaren baldintzak aldatzeko saiakeraren aurrean berehala erantzun dute Artziniegan. Ostiralean bilera egin zuten Artziniegako gurasoek Hezkuntz sailburuordearekin. Bildu zirenean ordezkariak esan zien uste zuela gurasoak uda aurretik zeudela jakinaren gainean. Eta, Hezkuntza Saila eta Diputazioak adostutako saiakuntza bat zela azaldu zieten.
Gurasoen ustez saiakuntza honek hainbat eragozpen ditu. Ikasleek Artziniega-Amurrio ibilbidea egiten duen autobusa hartu beharko lukete . Horrek ez lituzke ikastetxeraino eramango, gasolindegiraino baizik. Etxera bueltatzeko, klaseetatik lehenago ateratzen diren egunetan "La Union" enpresak autobus berezi bat jarriko luke, baina gainontzeko egunetan Gasteiztik datorrena hartu beharko lukete eta autobusa beteta etorriz gero ez lukete lekurik izango.
Artziniegako gurasoak guzti honen aurrean ezetza azaldu zuten. Momentuz, gauzak pasa den ikasturtean moduan egingo dituzte; ikasleak Zaraobe Ikastetxera Llantenokoekin batera joango dira autobusean.