Iratxe,
Beti hain alai, langile, borrokalari... Apymca-n teknikari gisa sartu zinenean, buelta eman zenion guztiari, eta izena ere aldatu zenion: Izan Amurrio, guztiok tokia dugun elkartea.
Sei urtez egon zinen bertan borrokan, eta asko borrokatu zenuen. Guztia helburu bakar batekin; denda txikiari bere lekua ematea. Mila bilera, proposamenak, kanpainak, barreak... baina, batez ere, izugarrizko lana. Plazer eta zortea izan da zu ontzi honen gidari izatea.
Zure estilo paregabeaz gain, zutaz ezer azpimarratzekotan, zure neurritasuna, positibismoa, laguntasuna eta energia dira zure ezaugarri. Baina, batez ere, eta gauza guztien gainetik, zure borrokarako grina. Azkeneraino eutsi diozu borrokari; bizitzaren aldeko eta gaixotasun honen aurkako borrokari. Eredu bat zara gu guztiontzat.
Irribarre handienarekin gogoratuko zaitugu. Beti izango zara gure parte. Eskerrik asko bihotzez!
LAGUN AGURGARRIA:
Bisitatzen ari zaren web-gune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
Faktoria izan, egin zaitez bazkide.
Aiaraldea Hedabideko lantaldea.
Izan bazkide
