Hormigoizko 52 metro kubikokoa da , Amurrioko San Anton Baselizaren aurrean, joan den larogei hamarkadan, eraiki zuten hormigoizko 33 zutabeen kubikazioa. San Anton Baselizaren aurrean Armuruko Batzarrak biltzen ziren, hor dago Amurrioren jatorria. Amurrioko herritarrei, hiru hamarkadetan zehar, lapurtu digute gure ondare historiko zaharrenaren ikuspegi politena, hormigoiz estalita.
Zorionez, laster botako dute eta sortuko dute beste eraikin berri bat, arinago espero dezagun. Krisialdi garaian sortu da berrikuntza hau,eta hori oztopo baino, aukera bihurtu daiteke. Bazen garaia. Ia animatzen diren eta garai berean sortutako beste astakeri urbanistikoa konpontzen duten; hor dago Urrutia Jauregia berdin, ezkutatu eta estalia.
Astakeriak ez dira bakarrik Amurrion izan. 1846 urtean “Revista pintoresca de la provincias bascongadas, adornada con vistas, paisajes y edificios notables” argitaratu zen, eta Aiaraldeko hiru tokiren irudiak agertzen dira, Julio Lambla alemaniarrak egindakoak. Irudietako batean aipatutako Amurrioko Urrutia jauregia. Bestean, Laudioko Katuxako zubia eta dorretxea. Eraikin historiko hori larogei hamarkadan eraitsi zuten, uholdearen arriskuen aitzakiaz. Ez zegoen beste aukerarik bota baino?
Urduñako ikuspegi orokor bat, baina, zorionez libratu da eta hor dugu alde zahar historikoa disfrutatzeko, Artziniegako eta Orozkokoarekin batera Aiaraldean geratzen zaigun bakarra dena. Gorde ditzagun.