Mila esker Arakaldo jai eder hauengatik

Erabiltzailearen aurpegia

--

Atzo arratsaldez, herri bazkariaren ostean, amaitu ziren aurtengo Arakaldoko jaiak. Jai batzordetik eta Udaletxetik oso pozik gaude amaitu berri diren jai hauekin. Beti daude gauzak hobetzeko, baina orokorrean bai jaietan parte hartu duten arakaldarrek zein Arakaldora hurbildu diren beste auzokideek primeran pasatu dutela adierazi digute. Jai politak izan dira, benetan. Baina batez ere, azpimarratu nahiko nuke jai hautako parte hartzea, izugarria izan da, harrituta gaude oraindik hainbeste jende eta hainbeste lan egiten ikusitakoan, pozik, umore onean eta eskuzabaltasun osoz. Bai eta stress momentuetan ere, eliza apaintzen, txosnako txandak egiten, bokatak eta pintxoak sukaldatzen, odolosteak eta txokolatea egiten, txapelketak antolatzen, herri bazkaria prestatzen, antolakuntzan eta batzarretan ekarpenak egiten, ideiak ematen... Izugarria izan da. Beraz, benetan mila-mila esker arakaldar guztiei eta kanpotik ere laguntzera hurbildu zineten guztiei gozarazi dizkiguzuen jai hauengatik.

 

LAGUN AGURGARRIA:

Bisitatzen ari zaren web-gune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide