Une honetan, OMNIAtik esan dezakegu, beste behin ere, inbertsio handirik gabeko legealdi batekin topo egin dugula, EAJ-PNVren proiektu izartzat iragartzen zena oraindik oso urrun baitago gauzatzetik.
Lau urte hauteskunde promesa horretatik eta Antzokirik gabe jarraitzen dugu. Laudiok kirol-, gizarte- eta kultura-azpiegiturak behar ditu, baina horiek egiteko finantziazioa behar da. Aurten, OMNIAk JEZ berrikusteko 11 eskaera egin ondoren, eguneratu egin da azkenean, eta horrek 600.000 euroko aparteko bilketa ekarriko du urtean. Lastima urte hauetan guztietan diru hori biltzeko aukera galdu izana, Laudiorentzat benetako aurrerapena izango baitzen.
Azken urte honetan, gure bizilagunen aldarrikapenak babesten jarraitu dugu (Artiach, Superberriak...). Baserritarren adierazpenekin bat egin dugu eta, beste behin, udalerrian hiltegi bat sortzeko alternatibak aztertzeko aurrekontu-sail bat aurkeztu dugu. Jakina, partida hori ez da onartu, EAJ-PNVren planak Zallako hiltegi batetik pasatzen baitira, ez Laudiotik.
OMNIAk laudioarrentzat lanean jarraituko du, Laudiori udalerri gisa hazten lagunduko dioten mozioak, proposamenak eta ekimenak aurkeztuz.