Uztailaren 31 arte zabalik egongo da Amurrioko jaietako Nekazari Txapelketa-erakusketan parte hartu ahal izateko izena emateko epea eta abuztuaren 9a arte egongo da zabalik San Roke 2013 Ganadu Erakusketarako izen emateko epea.
Abuztuaren 15ean XVII Nekazari Txapelketa erakusketa egingo da, 2013ko Amurrioko jai egitarauaren barnean eta Juan Urrutia enparantzan nekazaritza munduarekin zuzenean lotutako produktuak erakutsiko dira. Erakusketa honetan Euskal herriko ekoizle zuzenak diren baserritarrek hartu ahal izango dute parte eta erakusketan aurkezten diren produktu guztiek baserri munduarekin erlazionaturik egon beharko dute, baserritarraren ustiategian bertan ekoizturikoek lehentasuna izanik.
Hurrengo egunean, abuztuaren 16, ostirala, Amurrioko Jaietan ohikoa den ganadu erakusketa egingo da aurten. Goizean zehar San Rokeko landetan Amurrioko, Aiarako, Okondoko, Laudioko, Artziniegakoeta Zuiako, Arabatik eta Bizkaitik Basauriko, Ugaoko, Arrigorriagako, Arakaldoko, Arrankudiagako, Orozkoko, Zaratamoko eta Urduñako ganadu jabeek parte hartuko dute. Ganadu mota ezberdinak ikusgai egongo dira: frisiarra, piriniarra, limusina, txarolesa, terreña,betizu eta beste arraza batzuetako behiak ikusi ahal izango dira. Bestalde, latxa arrazako ardiak, azpi-gorri eta nano arrazako ahuntzak, haragitarako zaldiak, pottokak, astoak, oiloak eta txerriak ere ikusgai egongo dira erakustaldian.
Izenam emateko Amurrioko Udaletxean 12:00etatik 14:00etara edo ta 945891161 telefonora deituta eta Aitziberrengatik galdetuta.