Italiako Giroa Danimarkan hasi zen aurten, Frantziako Tourra Belgikan eta oraingoan espainiako La Vuelta itzulia Euskal Herrian hasi eta lehendabiziko 4 egunak euskal errepideetan zehar igarotzen ditu.
Bihar, abuztuaren 21, txirrindularitza lasterketa Barakaldon hasi eta Errioxako San Lorenzo mendi garaienaren magaletan amaituko da, Valdezcarayko portua igo ostean eta gure eskualdeko 35 km zeharkatuz.
Itzulia airaldean jarraituko duen ibilbideari dagokionez, hurrengo irudietan ikusgai daude, gutxi-gora-beherako lasterketa pasako den ordutegia kontuan izanik txirrindularien abiadura etapan zehar.
Aukera ezin hobea goi mailako kirolaz Urduñako mendatea bezalako gune ikusgarri batean gozatzeko, etxeko kirolariei igoeran zehar berotuz eta jai giroan aldarrikatzeko nahi izanez gero.
Aldarrikapen olatua
Euskal Selekzioen Aldeko Iritzi Taldeak (ESAIT) kontzentrazioa egin zuen pasa den larubatean , itzuliaren hasiera egunean. Espainiako Vuelta Euskal Herrian arituko da lau egunez, eta horren aurka egin zuen ESAITek. Ehun bat lagun bildu ziren Euskal Herria "nazio bat" dela eta "bizirik" dagoela aldarrikatzeko, ikurrinak eskuan.
Martxel Toledo ESAITeko koordinatzaileak argi utzi nahi izan zuen ez daudela inolako kirol probaren aurka, Espainiako Vuelta Euskal Herrira ekartzearen atzetik euskal nortasuna ezabatzeko nahi garbia dagoela adieraziz. Gainera, kexu agertu ziren La Vueltako antolatzaileak ez dutelako bertako kirol elkarteekin bildu nahi izan.