Arabako Ehiza Esparruen Elkarteak iragarri berri du Arabako ehiza esparruak deuseztatu direla seguruei aurre egin ezin zietelako. Arabako geografian zehar elkarte honek kudeatzen zituen 103 ehiza esparru hauetan ezingo da ehizatu datorren maiatzaren 12tik aurrera.
Elkartearen iritziz, egoera jasanezin batera heldu ostean, hartutako erabaki honek ondorio larriak izango ditu. Alde batetik 10 lan postu bertan behera geldituko dira eta herrietan garrantzi handikoak diren diru-sarrerak galduko dira. Gainera, hurrengo hilabeteotan zehar oso zaila izango da animalia basatien kudeaketa egitea, azken finean animalia basatiak laborantzetan eraginak dituzte eta hauen presentziak errepide istripuak gehitu ditu azken urteotan .
Ehiza esparru hauek 5.000 ehiztarik inguru erabiltzen zituzten baina aseguru konpanien prima igoerak egoera jasanezina bihurtu du, animailia basatiak errepide istripuetan daukaten erantzukizun zibilaren kostu handiengatik.
A.E.E.E. elkartekoek Aldandundiari leporatu diote ehiza handiaren kudeaketa okerra eta sektorean eman diren diru murrizketak.