Mendiko Lagunak Mendi Taldeak Zuhaitz Eguna antolatzen du martxoaren 26an Gorobeleko Goizale aterpearen inguruan, zuhaitzen garrantzia eta gure inguruneko natura-espazioak babesteko eta mantentzeko beharra aldarrikatze aldera. Gainera, egun honek Gorobeleko baso masa iraunarazteko eta hobetzeko helburua ere badu.
2006. urtean Tologorri tontorretik Goizale aterpera (eta alderantziz) mendizaleak gidatzeko pago-bidea egiteko lanak hasi ziren. Izan ere, laino handia dagoen egunetan mendizale asko galtzen dira eta ezin izaten dira aterpera heldu.
Mendizaleak gidatzeko bidexka honek egun 25 bat pago ditu aterpetik Campo Cardo izeneko lekuraino. Beraz, iaztik zereginak gehienbat hauexek dira: itxiturak konpondu ganadua landatzeetatik urrun egoteko eta sikatzen diren pagoak baso-berritzea, horrelakorik balego.
Parte hartu nahi dutenek telefonika eraikina zegoen lekura hurbildu ahal dira martxoaren 26an goizeko 8etan Lendoñora kotxeetan joateko eta handik Tologorrira oinez igotzeko. Beraien kabuz joaten direnek 10ak aldera Goizale aterpera hurbildu daitezela lanarekin hasteko.
13:00etatik aurrera hamaiketako goxoa egongo da aterpean parte-hartzaile guztientzat.
Jardueraz beteriko eguna Amurrio ere Gazte Asanbladaren 4.urtemuga ozpatzen baitelako.