Agindua, 2011ko urtarrilaren 21ekoa, Enplegu eta Gizarte Gaietako sailburuarena. Agindu honen bidez, 2011ko urtarrilaren 27rako deitutako greba orokorrak dirauen bitartean erkidegoari eskaini behar zaizkion ezinbesteko zerbitzuak beteko direla bermatzen da.
Eusko Jaurlaritzak ezarritako gutxieneko zerbitzuak:
• Osasun zerbitzuak. Ospitaleetan jaiegunetan lan egin ohi duten langileek lan egingo dute; hemodialisiak eta tratamendu onkologikoak egingo dira; lehen mailako arretan, kategoria bakoitzean bost langiletik batek lan egingo du; eta larrialdi zerbitzuetan, guztiek.
• Zahar etxeak eta eguneko zentroak. Zuzeneko arretako, osasun zerbitzuetako eta sukaldeetako langileen erdiek lan egingo dute. Laguntza behar dutenak eguneko zentroetara eramateko garraio bereziak lan egingo du.
• Hezkuntza. Zentro publikoak eta itunpekoak irekiko dira, baina sarreraren kontrola bakarrik bermatuko da haur eskoletan, unibertsitatez kanpoko hezkuntzan eta Euskal Herriko Unibertsitatean.
• Garraioa. Autobus eta tren zerbitzuek lanegunetako zerbitzuen eta maiztasunen %30 eskainiko dituzte. Lanera sartzeko eta lanetik ateratzeko ordutegiak «bereziki zaindu beharko dituzte».
• Autobideak. Puntako orduetan ordaintokietako langileen %30 eta gainerako orduetan %15.
• Gasolina zerbitzuguneak. %30ek irekiko dute.
• Energia. Argindar, gas eta ur hornitzaileek zerbitzua bermatuko dute, jaiegunetako langile kopuruarekin.
• EITB. Eguneroko albistegiak bermatu beharko ditu, ohiko ordutegian.
• Justizia. Bermatu egingo dira guardiako zerbitzua, erregistroa, epea amaitzen zaien jarduera guztiak...