Apdema Gazte Alaiak elkarteak Aresketa Ikastolako eraikinean, urtero legez ospatzen duen jaia egingo du. Jai hau orain dela 28 urte baino gehiago ospatzen da eta irekia dago gabezi intelektualarekin erlazionatutako pertsonek parte hartu dezaten.
300 pertsona baino gehiago espero dira, boluntario begiraleek lagunduta. Gasteizko eta Laudioko Apdemak dituen zentroetatik aparte, Oion eta Arabako Errioxako Apdema Aisialdi Zentroetako partaideak ere etorriko dira. Menagaraiko Amor Misericordioso ikastetxetakoak, Jesus eta Maria Orozkoko Ibarrakoak eta Bilboko Aisia Gazteko zentrotik jendeak ere parte hartuko du egun horretarako prestatutako jarduera ezberdinetan.
Egunean zehar Amurrioko Udalaren ordezkariak eta Apdemako ordezkarien presentzia espero da. Jaia 11.30etan musikadun ongietorriarekin eta jolas ekintzekin hasiko da. Bazkaria, kolaboratzaile batzuek egindakoa, gorputzak indartzeko balioko du, berriro ere musikarekin jaialdia girotuko delarik. Arratsaldean zehar odoloste frijitua askalduko da eta 19.30 inguru jaiari amaiaera emango zaio, parte hartzailei agurra emanez.
Antolakuntzakoek, jarduera hau egitea ahalbidetzen duten Aresketa Ikastola, Amurrioko Udala, Amurrioko hainbat komertzioei eta Gurutze Gorriari (infraestruktura eta bazkariaz arduratzen da) eskerrak luzatu nahi dizkie.