Ikasturteko bigarren hiruhilabete honetan zehar eskainiko diren kurtsoetan interesatuek hurrengo hilabeteetanr eskainiko diren ikastaroetan parte hartu ahal izateko aurre-matrikula egiteko epea zabalduko da astelehenean, urtarrilaren 21era bitartean.
Urtarrilaren 24an onartutakoen zerrenda argitaratuko da eta orduan parte hartzaileek matrikularen ordainketa egin beharko dute otsailaren 4a baino lehen.
Ikastaroen artean ondorengoak daude:
- Ehoziri eta Kakorratz-lana (bolillo eta gantxilloa)
- Errusiar keramika
- Zurezko taila
- Otzaragintza
- Keramika
- Larrugintza
- Patchwork eta diseinua
- Ohial patroigintza
Eskainitako tailer guztiak astean 4 ordukoak izango dira eta matrikula kostua 75,63 eurokoa da. Amurrion erroldatutakoek %20ko beherapena izango dute, 60,50 euro ordainduz. Amurrion erroldatuek eta 65 urte baino gehiago dituztenek %50 beherapena izango dute eta bertan erroldatutakoek eta kide ugaridun familiakoek %30eko beherapena izango dute ezarritako kostuetan. Langabetuek %30eko beherapena ere izango dute.
Aurreko alditan bezala, Amurrion erroldatutakoek beste udalerrikoekiko lehentasuna izango dute.