Gizartean migrazioarekiko hausnarketa eta eztabaida sustatzea dute helburu eta hurrengo astean zehar egingo dira, Amurrioko Laguntza eta Errepublika Arabiar Saharaui Demokratikoaren Lagunak (RASD) elkarteak antolaturik.
Hegoaldea deritzogun lurraldetan gertatzen diren arazoen berri eman eta sustatzen diren konponbideez hitz egingo da, txirotasunean eta garapenean dauden zenbait herrialderen egoerak azalduz.
Etorkin hauetako asko Amurrion eta Aiaraldeko herrietan bizi dira gaur egun, eta haien txirotasun errealitateaz, lan egoerez, etorkizun hobea lortzeko jarduten duten borrokaz hitz egingo da beste hainbat kontuekin batera.
Gainera gaur egungo krisi ekonomikoak beraiengan dituen eraginak ere aztertuko dira. Jardunaldi hauek " Hegoaldea han eta hemen " izendatu dira eta urriaren lautik hamarrera, katekesiko ekitaldi aretoan, arratsaldeko 19:30etatik aurrera egingo dira.
Jira Hasan Afmedek, Emakume Saharauien Batasuna elkartekoa jardunaldiei hasiera emango die, eta bere herrialdeko emakume kolektiboaz jardungo du. Hurrengo egunean, Iñaki Uribarri ekonomistak, herritarren oinarrizko errentaz hitz egingo du eta urriaren 6an Gasteizko alkate ohi José Ángel Cuerdaren hitzaldiaren txanda izango da.