Arabako Foru Aldundiak 4 miloi euro bideratuko ditu obra eta zerbitzu foru planan esleitutako lanetarako. Aipatutako aurrekontuari bestelako diru-kopuru bat gehitu beharko zaio aurrekontu totala hornitzeko. Kontzejuak izango dira falta den dirua lortzeko arazo gehien izango dutenak, baliabide propiorik ez daukatelako.
Laudion esaterako, Gasteiz kalean eta “etxe arrosaren” hegoaldeko aldean egingo dira obrak. Amurrion, Zabaleko kaleak eta A-624 errepidearen zeharkaldia hobetzeko erabiliko dute dagokien dirua, bai eta Saratxon hainbat bide galtzadatu eta egokitzeko eta delikako herriguneko zorua berritzeko. Artomañanan errotako zubia eta Tertangan hilerria handituko dira. Baranbion ere lanak egingo dira: baserri batean argindarra sartuko da, frontoia atonduko da eta bertako garbigunean berriketak egingo dira.
Okondon, Garate eta Landetara ur-horniketako sarea hedatuko da, eta bertako osasun-etxeanere obrak egingo dira.
Aiarari dagokionez, kontzejuetako erabilera anitzeko eraikinetan obrak egingo dira. Udaletxe inguruetan argiztapena ere berritu egingo da. Herrietan honako obra hauek egitea aurreikusi dute: Luiaondon San Lorentzoko baselizara heltzen den errepidea konpontzea, bai eta gizarte etxekoa eta sendategikoa. Lantenoko eskoletan aparkaleku bat egingo da eta iturburuetako ur-bilketa hobetuko da. Izorian, berriz, irakaslearen etxeko teilatua, hilerriko sarbidea eta argiztapena konponduko dira. Azkenik, Soxon, Ozekan eta Olabezarren hainbat bide galtzadatu eta egokituko dira
Azkenik, Artziniegan, Soxogutiko errepidean eta Erreteseko elizara doan bideetan argiak jarri eta errepideak galtzadatuko dira.
Jokin Villanueva eta Iñaki Nafarrete proiektuak aurkeztutako prentsaurrekoa hasi baino lehenago. / www.alava.net