Eraikuntza hauekin batera Landako eta San Antoneko enparantza batzen dituen igogailua eta Landako Dionisio Aldama kalea batuko duen lurpeko zeharbidea eraikiko dira.
Guztira Babes Ofizialeko 49 eta tasatuak 185 etxe eraiki nahi dira, hasiera batean espero baino 11 gutxiago. Guztira 31.500 metro karratutan.
Amurrioko auzokideek proiektu honen kontra aurkeztutako alegazioak hasierako proiektua aldatzea lortu dute baina obrak aurrera jarraituko dute. 7 pisutako eraikuntza bat mantentzen da eta eraikiko diren besteak gutxienez, auzoko beste eraikuntzek dituzten 5 pisuak izango dituzte. Proiektu berria behin behineko onarpena jasotzean, honen aurka alegazio berriak salatzeko aukera egongo da.
Trenbidearen eta industrial gunetik hurbil kokatuko diren eraikuntza altuenak izango dira proiektu honetan auzoan aurkitzen den likore enpresaren lekualdatzea ere planteatzen da, gaur egun bertan aurkitzen den Likore eta Txirrindularen museoaren sarrerak atonduz.
Gainera, tailer mekanikoak eta etxebizitza bat dagoen gunea, industrialdearen sarreran, hirigintza antolamendua aldatu egin da eta bertan bifamiliar bi etxe eraikiko dira proiektua aurrera jarraitzen badu.
Proiektu honen aurka osatutako herri plataformak haien kexkak aurkeztu zituzten eraikuntzen altuera eta proiektu honek auzoan sortuko zuen biztanle dentsitateagatik. Gainera, herritarrek berdegune gehiago eskatzen zituzten kongestio kentzeko nahiarekin. Eraiki nahi den lurpeko zeharbideaz kezkatsu agertu ziren hainbat herrietan horrelako zeharbideek eragiten dituzten segurtasun arazoengatik.
Isasik semaforoak kendu nahi ditu behingoz.
Bestalde, orain dela bi urte Amurrio herriguneko semaforoak amatatu ziren eta herrigunearen argiztatze hobekuntzak egin ziren trafiko segurtasuna hobetu nahian.
Erabaki hauen artean itsuek kexkak aurkeztu zituzten hainbatetan eta gainera musika eskola parean, bertan dagoen trafiko kantitatea kontuan izanik, beste semaforo bat jartzea komeni zela gomendatu zuten. Momentuz, Udaletik Iritxusi kalekoa soilik mantentzea erabaki dute, Seat emakidaduna parean dagoen bidegurutze arriskutsuagatik.