Sarean www.blogak.com/oxigenoaeuskarari webgunean sartuz ikusi daiteke.
Bertan, jarduerako gazte parte hartzaileek beraien irteeren berri, esperientziak, argazkiak, bideoak… jasoko dituzte guztiok haien abenturaz goza ditzagun.
Aurten sortutako proiektu honetan, mendi ezberdinetara igotzen eta eskalada eta surf ikastaroak eginez euskaraz bizi eta jarduteko aukera ematen zaie laudiar gazteei. Aizkorri, Anboto, Gorobel, Txindoki edota Itxina bezalako mendi eta mendizerratatik ibiliz, herriko Julen Reketa zortzimilari arrakastatsuaren laguntzaz gidatuak izan eta izaten ari dira.
Jarduera honetan parte hartzen duten gazteek 12 eta 16 urte bitartekoak dira eta euskara ulertu eta hitz-egiteko gaitasunak dituzte, horretan oinarritzen baita jardueraren mamia.
Laudioko Udalak sustatutako Oxigeno Euskarari programak, euskara normalkuntza lortzeko jardueren barnean sartzen da. Laudion euskararen egoerari buruz egindako azkenengo inkesten emaitzetan, % 44 euskalduna dela edota euskara ulertu eta hitz egiteko gaitasuna duela adierazi dute. Datu hauek positibotzat hartu zitezkeen baldin eta etxean % 7.8 eta kalean eta gizarte erlazioetan % 5 ez bazen eta erabilera askoz handiago balitz.
Arlo honetan, gazteek giltza ezin hobea daukate estatistiken datu txarrak aldatzeko, eta gabezi hori lantzen saiatuko dira jarduera atsegin eta gustukodun honen bidez.
Hainbat dira aiaraldeko gazteekin jorratzen ari diren mendizaletasuna eta euskara erlazionatzen dituzten jarduerak. Eskualdeko euskara zerbitzuek eta mendi taldeek Goikogane, Mendiko Lagunak, Txarlazo, Gainzorrotz… esaterako, gaztetxoei zuzendutako hainbat jarduerak antolatzen dituzte urtean zehar. Hauen artean Laudioko Oxigeno Euskarari jarduera, Amurrio eta Laudion egiten den mendi ibilaldiak eskola kirola programa eta aipatutako mendi talde ezberdinek antolatzen dituzten mendi ibilaldiak daude.