Ezagunak dira Gorobel mendizerrak dituen baliabide ezberdinak eta hauen artean, gizakiak askotan bertaratzen diren ipar mendebaldeko haizeak aprobetxatuz, hegan egiteko baliatzen da. Aurten, jaialdi honen 7. edizioa ospatzen da, eta oraingoan 200 bat pilotu inguru parte hartuko dute, gehiengoak Euskal Herriko kanpotarrak direnak.
Asteburu osoan zehar, jaialdia ikustera bertaratukoek, airean izango den erakustaldi zoragarriaz gozatzeko aukera izango dute. Ekaineko eguraldi atseginaz lagun, Tertangan egokitutako belardian egongo diren, txosna eta parapentearekin erlazionatutako postuak ikusteko aukera izango dute. Belardian eta Urduñako zeruan erakusketa ezberdinak egongo dira eta oraingoan beste urtetan bezala, akrobazia S.A.T. talde profesionala, bi lagunentzako parapenteak, globo aerostatikoak, paraxutak, paramotorrak eta aeromodelismo erakustaldiak egongo dira.
Musika eta bazkari herrikoiak ospatuko dira eta larunbatean gau partean jaialdiko partaideek Urduñako frontoian afalduko dute.
Larunbatean zehar, eguraldi eta haizearen arabera, pilotuek goizeko hamaiketatik arratsaldeko zortziak arte hegan egingo dute eta igandean seiak arte egongo dira hegan egiten.
Aukera ezin hobea gure bailaraz eta ikuskizun eder honetaz gozatzeko, gainera mendizaleek, Urduñako portua eta Fraileburuaren artean kokatzen den aireratze lekurantz hurbildu ahalko dira, ikuspegi ezin hobea lortuz.