Elexazar proiektuaren zuzendaritzak eta Amurrioko Udaleko ingurumen sailetik aurtengo udan Amurrion egingo den indusketa arkeologiko batean parte hartzeko gonbidapena luzatu dute.
Betekizunik izatea ez da beharrezkoa, garrantzitsuena gogoz eta gure inguruko historia ikasteko nahiekin parte hartzea izango da. Egingo diren lanetan, arkeologian ohikoa den metodo zientifikoa erabiliz, indusketari ekingo diote izena ematen duten gazteek. Interesatuek bere datuak Amurrioko Ingurumen Sailan eman behar dituzte, eta beharrezkoak diren gazteak baino gehiago izena emanez gero, hautapenak egitea ez dute baztertzen antolatzaileek.
Proiektu bolondres eta altruista bat izanda, parte hartzaileek asko ikasi eta gozatzeko aukera izango dute.
Pasaden ekainaren 3an Udalak Aunia Kultur Elkarteari Elexazarreko indusketa lanak esleitu zizkion, 13.069,48 eurotan. 2009ko ekainaren 10ean Udaleko Euskara, Kultura eta Kirol Sailak indusketa egingo den tumuluan lehendabiziko zundaketak egiteko baimena igorri zituen, eta hauek egin ostean, bertan hurrengo hilabetetan egingo diren ikerketak egiaztatzen duten kokaleku erromatar posible baten arrastoak zeudela konturatu ziren ikerlariek.
Topaketa hauek Larrinbeko Andoni Aldama Murgak egin zituen eta Aunia Kultur Elkarteko kideek kata arkeologiko ezberdinak egin dituzte azken hilabetetan.