Bizkaiko Mendizale Federazioak, Eusko Jaurlaritzako Ingurumen Sailaren laguntzaz Harriz harri sentsibilizazio kanpaina antolatzen hasi zen orain dela hilabete batzuk.
Asteburu honetako igandean, babestutako Itxinako Biotopoan, orain dela hainbat urte bideak jarraitzeko egindako margoketa nazkanteak ezabatzeko borondatezko irteera antolatu da. Hauen ordez, betidanik harrien multzokaketaz osatutako cairns-ak eraikiko dira.
Lekuz kanpoko margo hauek kendu beharra daude eta lan honetan mendizale eta Itxina maitazaleek parte hartu dezakete. Gainera, ingurua antontzeaz gain, partaideek antolatzaileen eskutik, oparitso bat jasoko dute. Interesatuek lehen bailen eman behar dute izena eta horretarako federazioak eratutako web orrialdean edo 695785715 telefonora deituz apuntatu daitezke.
Itxinako Biotopo babestua Euskal Herrian eta gure eskualdean aurki daiteken leku basatienetarikoen artean dago. Kretazeo garaian (orain dela 120 miloi urte inguru), gaur egungo Karibe bezalako sakonera txikiko itsaso tropikal bat zen Itxina, ur garbi eta epelakoa (25ºC ingurukoa). Bertan, koral arrezifeak eta bibalbo (Rudista fosilak) ugari bizi ziren. Garai horretan Iberiar penintsulako plaka tektonikoa hainbat miloi urtetan zehar mugitzen hasi zen eta Euroasiar plakarekin talka egin zuen, talka honen ondorioz sortarizatako goratzea “Orogenia Alpetarra” izendatu izan da (Alpeak, Himalaiak… eraketa aldi berean eman ziren) eta goratze horren ondorioz (orain dela 40 miloi urterarte gertatu zen indar gehienez), eta azkenengo miloi urtetan gertatutako meteorizazio eta higadura dela medio, gaur egun ikusgarria den mendigunea aukitzen dugu.
Ingurune paregabe hau babestu eta gozatzeko nahiekin, antolatzaileek gonbidapena luzatu egin dute igandean egingo den lanetan parte hartzeko.
Horra hor antolatzaileek helarazitako foileto eta oharra:
Aintzina-antzinatik, Itxinako bide bazterretan kokaturiko harri-multzo txikiek edo cairn-ek zuzeneko bidearen norabidea adierazi dute. XX.mendearen azkenengo hamarkadetan, ordea, mendizale eta txangozale batzuk, eskuan brotxa harturik, ingurune naturalak kolore askotako markekin “apaindu” dute, hauen xarma erabat zapuztuz. Gorbeiako Parke Naturalean dagoen Itxinako Biotopo Babestua da ingurune hauetariko bat.
Itxinako paisaian gehiegizko margoaren erabilpenak eragiten duen kalteaz ohartuta Bizkaiko Mendi Federazioak orientazio sistema bezala aintzinako cairn-ak berreskuratzea helburu duen kanpaina hasi berri du, aldi berean pixkanaka margo-markak harrietatik ezabatuz.
Mendi taldeetako laguntzarekin Itxinako marka guztiak garbitzeko eta cairn berriak sortzeko asmoz irteerak antolatuko ditugu.
Lehenengo esperientzian, eskuilak eskuetan harturik boluntario batzuek Atxulotik Supelegor eta Lexardiraino doan zidorraren tartea garbitu zuten ilusio handiz.