Mikel Mintegi ingurumen diputatuak inerte material zabortegiak Arantzarrekoa ordezkatuko duela baieztatu du azken egunotan. Arantzar zabortegia oraindik erabiltzen jarraitzen da eta 15.000 metro kubikotaentzako lekua gelditzen zaio.
Orain, Eusko Jaurlaritzak proposamenari baiezkoa eman ahal dio Inguru Gaineko Eragin Ikerketa egin eta onartu ostean.
Aldundiak 2007.urtean 105.000 eurotako kostua izan zuen ikerketa bat agindu zuen zabortegiaren kokaleku posibleak ezartzeko. Ikerketa horretan hasiera batean 22 aukera zeuden eta amaieran 3 aukerekin gelditu ziren. Bata Laudion, bestea Aiaran eta hirugarren bat aipatutako Larrabekoa. Laudio eta Aiara mota honetako instalazioaren ezarpenari uko egin zioten eta Amurrioko Udalak onespena eman zion.
Gaur egun Arantzarren segurtasun arazoak daude. Barne isurbide galeria bat apurtuta dago eta horrek lohia eusten duen dikearen apurketa eragin dezake.Gainera kolmataturik aurkitzen da eta gelditzen zaion betetzeko eremua oso txikia da. 2008.urtean zabortegi honen estaltze eta errestaurazio lanak hasi ziren. Lan hauek 160.000 eurotako kostua izan zuten eta inpermeabilizazio eta lixibatuen biltze legedia bete zuten azpialdeko estratuetan filtrazioak ekiditzeko. Gaur egun, zabortegiaren eremu zabal bat errestauratuta aurkitzen da.
Orain eraiki nahi duten zabortegi berrian Aiaraldeko 65.000 tona zabor metatu ahal izango dira.Bertan metatutako materialak eraikuntzen eskonbrotegietatik ekarritako materialak izango dira, hauek modu ordenatu eta kontrolatu batean ezarriz eta ingurumenarekiko eragindako inpaktua gutxitzeko asmoarekin. Proiektu berri honetarako aldundikoek ez dute data zehatzik jarri baina beharrak direla eta lehen bailen eraikitzeari ekingo diotela pentsa daiteke.