82 mendizale bildu ditu Mendiko Lagunak Amurrioko mendi taldeak antolatutako IX. Haurrentzako Ibilaldiak.
Aurtengo ibilaldia Ubide bizkaitar herrian hasi eta Etxaguen arabar herrian amaitu da. Ibilaldian zehar, mendizale gazte eta gurasoek egun lainotsu eta euritsuari egin diote aurre.
Oketa mendira igo dira. Tontor horrek 1031 metrotako altuera dauka eta Gorbeiako Natur Parkean kokatuta dago. Bertatik Gorbeia, Aldamin, Lekanda… mendiak primeran ikusten dira, baita Legutio inguruko urtegi ikusgarriak ere.
Aurtengo edizioan Amurrioko eta Aiaraldeko gazteek daukaten mendizaletasuna berriro ere agerian geratu da, mendira astebururo joaten diren gazteen kopura urtero goraka doala frogatuz.
Mendiko Lagunak mendi taldeko arduradunak pozik daude azken hilabeteotan eskola kirolaren barruan mendi ibilaldiak izaten ari diren emaitzekin eta gazteentzako eskalada eskola sortzeko lanetan ari dira jada. Jarduera horretan euskararen erabilera sustatzen ari den arren, oraindik lan handia dago egiteke.
Mendiko Lagunak-eko gazteek ibilaldia egingo dute Puroneko haitzartean zehar maiatzaren 15ean. Maiatzaren 23an, berriz, urte amaierako jaia ospatuko dute Gorobel mendilerroko Txarlazo mendira igo ondoren. Jai horrekin, amaiera emango zaie 2009-2010 Eskola Kirolaren programaren barruko mendi ibilaldiei.
82 mendizale bildu ditu Mendiko Lagunak Amurrioko mendi taldeak antolatutako IX. Haurrentzako Ibilaldiak.
Aurtengo ibilaldia Ubide bizkaitar herrian hasi eta Etxaguen arabar herrian amaitu da. Ibilaldian zehar, mendizale gazte eta gurasoek egun lainotsu eta euritsuari egin diote aurre.
LAGUN AGURGARRIA:
Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
Faktoria izan, egin zaitez bazkide.
Aiaraldea Hedabideko lantaldea.
Izan bazkide