Badatoz hauteskundeak

Erabiltzailearen aurpegia

Aurrez aurre daukagu udazkena eta udaletxeetako agintaldi amaiera. Duela lau urte, Aiaraldean zenbait aldaketa politiko bizi izan genituen, inoiz baino gehiago. Hauteskunde horietan ia guztiok politika egiteko modu berriaren promesarekin guregana etorri ziren. Balantzea egiteko momentua heltzen ari da eta promesa horiek benetakoak ziren edo ez pentsatu beharko dugu.

Nire ustez, aldaketa sakonak eman dira, nahiz eta hain agerikoak ez izan herritarrontzat. Parte-hartzea gero eta gehiago kudeaketaren egunerokotasunean sartzen ari da. Gardentasuna, kodigo etikoa eta gainontzeko neurriak ere gero eta indar handiagoa hartzen ari dira gure udaletxe eta diputazioetan.

Ez daukadana hain argi da ia neurri eta pauso guzti hauek herritarrongan isla duten. Politikagintzatik jasotzen dugun irudia, telebistak eta gainontzeko komunikabideek baldintzatuta dago eta hortik datorkiguna ez da batere ona.

Udaletxeetan dago benetako politika, herritarrok jasotzen ditugun zerbitzu publiko gehienak erakunde lokalek kudeatzen baitituzte, baina tamalez, gure ingurukoek ondo egin arren, badaude oraindik politika “handi” horretan hain “zintzo” jokatzen ez dutenak eta hori, zoritxarrez, politikari guztien irudiaren kontra doa, nahiz eta gugandik hurbilen lan egiten dutenek lan boluntarioa egin.

Bereizketa egin dezagun bi horien artean, gure alkate eta zinegotziak merezi baitute.

LAGUN AGURGARRIA:

Bisitatzen ari zaren web-gune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide