Facebook-en, WhatsApp-en, Tuitter-en eta gainontzeko sare sozialetan murrizketa politiken kontrako iruzkin gogorrak, esaldi asmotsuak eta txiste biralak jarraituko ditugu ikusten. Nekez ikusiko ditugu meme-ak murrizketen alde, langileen eskubideak galtzearen alde, guztien dirua lapurtzearen alde. Osasunari, hezkuntzari edo mendekotasunari lotutako eskubideak aldarrikatuko dira behin eta berriz.
Gehienok al gaude prekarietatearen, desberdintasunaren eta ustelkeriaren kontra? Nire ustez hauteskundeen emaitzek argi utzi dute gehienen benetako hautua ez dela hori.
Ariketa txiki bat egin dut estatuko kongresuan ordezkaritza lortu duten alderdien emaitzetan erreparatuz. Horretarako bi taldetan banatu ditut alderdiak eta lortu dituzten botoak.
Talde 1: krisiaren aitzakiarekin gizarte gehienaren kontrako murrizketak ezarri dituztenak edota mantendu dituztenak; lan erreformen bitartez langileen eskubideak murriztu dituztenak edota mantendu eta aplikatu dituztenak; politika sozialak garatzeko behar den finantziazioa lortzearen kontrako zailtasunak ezarri dituztenak (Konstituzioaren aldaketa barne); pribatizazioak hobesten dituztenak; ustelkerian lohiztatuak daudenak edo ustelkeria zailtzen ez dutenak…
Talde 2: aurreko guztiaren kontra daudenak. Guzti-guztiaren kontra badago norbait?
Zalantza batzuk izan ditut bigarren talde hau osatzeko; zalantzari irtenbidea emateko proposatzen duten politika fiskalean jarri dut arreta; benetako politika fiskal progresiboa proposatzen dute? Eskubide sozialak bermatzea dute helburu? Aberatsen eta pobreen arteko distantzia izugarri handitu da estatuan azken urteotan; birbanatzearen aldeko politika fiskala proposatzen dute?
Ariketaren emaitza hau da:
|
Talde 1 |
Talde 2 |
|
|
Botoak 2016-06-26 |
Botoak 2016-06-26 |
|
|
AIARALDEA[1] |
11.807 |
10.942 |
|
Hego Euskal Herria |
822.537 |
612.227 |
|
Estatua |
17.300.797 |
5.863.120 |
Talde bakoitzaren hautesleek borroka eta etsaia ondo identifikatuta baldin badaukate, bigarren taldeko hautua egin dugunok borroka luzea izango dugu.