Giza Erantzukizuneko ACM saria Comillas, Ramón Llul eta Deustu unibertsitateek iragartzen dute; 2015koa hirugarren deialdia izan da. Sari honen helburua modu teorikoan edo praktikoan ikasleek egindako lanak aitortzea eta zabaltzea da, beti ere sozial hobekuntza ikuspuntutik.
Urduñako Marta Garcia Setienek eta bere ikaskidea Ainhoa Gabika Unamunok “Autismo Espektro Nahastea Lehen Hezkuntzako Eskola Inklusiboan. Ingeleseko irakasgaian erantzuteko proposamen didaktikoa”izenburuko lana aurkeztu zuten, eta aipamen berezia lortu dute lanagatik.
Sariak urriaren 2an eman zuten Comillas Unibertsitateko Madrilgo P. Perez del Pulgar ikasgelan. Argazkian, aurtengo saridunen artean, Marta García Setien ikus dezakegu; eskuinetik hirugarrena da.
Martak joan den ikasturtean bukatu zituen irakasle-ikasketak; ikasturte honetan Urduñako Antzinako Andra Maria Ikastetxean hasi da lanean.
Oharra: Deialdiaren erabakia hemen ikus daiteke:
http://www.deusto.es/cs/Satellite/deusto/es/universidad-deusto/vive-deusto/resolucion-de-la-convocatoria-de-la-iii-edicion-de-los-premios-acm-de-responsabilidad-social/noticia
LAGUN AGURGARRIA:
Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
Faktoria izan, egin zaitez bazkide.
Aiaraldea Hedabideko lantaldea.
Izan bazkide
