Abuztuarekin batera hasiko dira Lendoñobeitiko jaiak. Larunbatean, abuztuaren 1a, V. bolo txapelketarekin hasiera emango zaio egitarauari: goizean 11:00tik 13:00ra, eta arratsaldean 18:00tik 20:00ra lehiatuko dira partaideak.
Eta bolek ez dute atsedena hartuko; igandean ere (abuztuaren 2a) herrikoek aukera izango dute bolatokiaren bazterrak eta apetak ezagutzeko. Bolen lana amaituta herri bazkariarekin indarrak berreskuratu dituzte San Esteban egunerako.
Abuztuaren 3an patroiaren eguna da. Suzirien eta kanpaien ahotsek entzungai izango dira, eta egunean zehar txistu eta dantzek, mezak, kalejirak, herri jolasek, odoloste dastatzeak, kontzertuak eta berbenak …, alaitasun handiagoz beteko dute herria.
Eta ez ahaztu: sari desiragarriak zozketatuko dira; beraz, erosi txartelak ahalik eta lasterren!
LAGUN AGURGARRIA:
Bisitatzen ari zaren web-gune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
Faktoria izan, egin zaitez bazkide.
Aiaraldea Hedabideko lantaldea.
Izan bazkide
