Herritar hori, Amurrioko jaiak gain-gainean dira berriz ere. Dena prestatzen ari da azkenengo egunotan: Iguarrako, herriko taldeak, koadrilak, karrozak, musika jotzeko guneak, era askotako jarduera berriak, musika taldeak, kirol-probak, herriko dekorazioa... hainbat eta hainbat. Halere, garrantzitsuena zeu zara, herritarra. Jaietan zeu zara protagonista. Jaiak berotzen, sentitzen, prestatzen...
Eta zurekin batera, Amurrioko aurtengo “Urrezko Guk” sariduna ere izango da protagonista: Zaraobe Saskibaloi-Taldea. Aurtengo pregoilariak dira, umeekin eta gazteekin egiten duten lan ederrari esker.
Beraiekin batera amurrioar guztiak izango dira. Hortaz, gozatzeko asmoa zabaldu nahi dugu barra-barra. Amurrioko bazter guztietan gozatzeko aukera aparta izango duzu. Gustuen aniztasuna da nagusi; zeuk unea, jarduera eta lekua aukeratu baino ez duzu egin behar.
Horretarako dira jaiak, gozatzeko eta dastatzeko... emeki-emeki baina atsedenik gabe. Lagunen artean edo familiarekin jai parekideak eta alaiak izan daitezen. Animatuko al zara barruan duzun guztia plazaratzen? Baietz ausartu!