2012ko Pobrezia eta Desberdintasun Sozialen Inkestak, Gasteizko Gobernuak egiten duena, 2008tik, aurreko inkesta egin zen urtea, Aiarako biztanleen artean pobrezia larriak %48an gora egin duela zehazten du. 2.835 pertsonei eragiten die. Hala ere, inkestak, publikoki aurkeztu ez dena, ez du eskualdeko datu zehatzik eskaintzen.
Beroren emaitzek mantenu pobreziak, hau da, epe laburrean, elikadura, etxebizitza, jantzi eta oinetakoen gastuekin erlazionaturiko funtsezko beharren asetzeari aurre egiteko errekurtso ekonomikoen eskasia egoerari erreferentzia egiten diona, biztanleriaren %4,3ari eragitetik %6,4ari eragitera pasa dela konfirmatzen dute. Aiaran pobrezia faktore honen hazkuntza Araba, Bizkaia eta Gipuzkoako eskualdeen artean altuenetarikoa da. Hala ere, inkesta berberaren arabera, pobrezia erreala, denbora tarte berdinean, hamarren batetan jaitsi dela nabarmentzen da, biztanleriaren %2,3tik %2,2ra hain zuzen ere.
Araba, Bizkaia eta Gipuzkoa Europar Batasuneko eskualde aberatsenen artean aurkitzen dira.Alta, pobrezia arriskua duten etxeetan bizi diren pertsonen zenbatekoa %77,9an hazi da 2008tik. 2012an 157.686 dira funtsezko beharrak asetzeko diru sarrera nahikoak ez dituzten pertsonak. Alegia, biztanleriaren %7,3a. Azken 25 urteetako zifrarik handiena da.
Emaitzek emandako beste datu esanguratsu bat elikadura arazo latzak dituzten etxeetan bizi diren pertsonak 100.000tik gora direla erakusten duena da, eta 46.122 pertsona gosea sentitu den etxeetan bizi izan direla konfirmatzen du, 2008tik %116,8ko hazkuntzarekin. Eta, azkenik, independizatzeko nahia duten 100.000 pertsonek, baliabide ekonomikoen faltagatik, ezin dute egin.