[IRITZIA] Albiste on bat

Erabiltzailearen aurpegia Judit Gonzalez Bujan 2019ko ots. 27a, 10:00
Aurten ez dute Lezeagako sorgina erreko. / Aiaraldea.eus

Duela egun batzuk berri on batekin esnatu ginen: aurten ez omen dute Lezeagako sorgina erreko, horren ordez, omenaldia egingo diote.

Udalak ohitura egokitzea erabaki izanak hautsak harrotu ditu. Zur eta lur geratu naiz. Ohituretan babesten gara egunez egun kobazuloetara gerturatzen gaituzten ekintza sortak justifikatzeko. Ez dut esan nahi ohitura hori bereziki makabroa denik, azken batean sutan dagoena panpina da. Kezkatzen nauena da, sorginen erreketaren atzean dagoena ohitura sinple bat baino harago doala onartzeko zailtasuna.

Ezin zaigu ahaztu sorginkeria akusaziopean izugarrikeria galantak egin zirela, sorgin ehizarekin kalkula ezinezko jakintza eta praktikak desagerrarazi zituztela, horien bitartez zuten botereari zitzaion beldurragatik. Horregatik, hausnarketa bat egin beharra dago eta pentsatu inauteriz inauteri sorgin bat erretzeak zer adierazten duen. Gure ohiturekin emakumeen askatasunari beldurra diogula adierazi nahi dugu? Emakume ausart eta jakintsuei beldurra, zaintzen eta osatzen zekiten emakumeenganakoa? Edo omendu nahi ditugu? Eta omenaldi horrekin emakumeei erakutsi jada ez dugula euren inteligentzia, euren ezagutza eta ausardia zigortzen jarraitu nahi?

Iritzia Laudio

LAGUN AGURGARRIA:

Bisitatzen ari zaren web-gune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide