Peacemakers

Erabiltzailearen aurpegia

Zaila zen hamarkadako bortizkeria politikoari arrazoizko bukaera ematea. Aldatu behar zen urteetan elikatu den espirala, infinitora generamatzana. Mentalitate berria behar zen horri aurre egiteko. Eta paperak aldatu dira. Urteetan, ustez ETAren estrategiaren alde lerrokatu direnek, lorpen bezala hartu dute borondatezko armagabetzea.

Eta ustez momentu hau gehien aldarrikatu dutenak ez dira asebete agertu, ez dira batere poztu, ordea. Horregatik eskakizun maila igo behar izan dute: disolbatu, damutu, krimenak argitu… Horregatik, beti ukatu duten gatazka klabeetan agertu dira: “ETA garaitua izan da”, “irabazle eta galtzaileak daude”. Horregatik armagabetzeari buruzko zalantzak haizatu dituzte “tranpa”, “parodia” eta zulo gehiago ote dauden espekulatuz. Paradoxa honen aurrean etorri zitzaizkidan burura The Clash taldearen hitzak. “All the peacemaker, turn war officer”. Ustez bakegileak ziren horiek, gerra ofizial bezala jardun dute.

Ordea, “bakearen artisauak” deitu diren horiek beste gauza bat frogatu dute: batzen dituena ez zen ETArekiko jarrera, baizik eta ETA amaitzeko bide arrazoitsua, elkarrizketatua eta logikoa behar zela eskatzea. Eta horren faltan, kreatibitatearekin bide hori asmatzeko lanean jarri dira. Bakerantz urrats sendoak eman badira ere, ez da bake osoa lortu. Gaixo dauden presoen egoerarekin eta dispertsioarekin amaitu behar da. The Clash gogoraraziz, gerrarako ofizial gutxiago eta bakegile gehiago behar ditugu.

LAGUN AGURGARRIA:

Bisitatzen ari zaren web-gune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide