[IRITZIA] "Ume kontua"

Lantenoko Jaietan hartutako irudia. / Zuriñe Alava

Helduontzat sinesgaitza izan daiteke ume batek manta bati eman diezazkiokeen erabilera anitzak. Asteburu hotzetan, egongelako sofan, mantaren goxotasunean etzanda ematen ditugun orduak irudikatzera mugatzen da gure irudimena.

Harriduraz, eta askotan inbidiaz, gaztetxoen mantek dituzten funtzio zenbatezinak zerrendatzen ahalegintzen gara: kanpin-denda bateko olana, alfonbra hegalaria, mundua txikiziotik salbatuko duen heroiaren kapa... Nagusitxoagoak garenoi zaila egiten zaigu mantak berez duen funtzioaz gain besterik aurkitzea. Adina ote?

Haurtzaroa aspaldi "gainditu" dugunon artean "jolas" kontzeptua nahiko tabua denaren sentsazio orokortua existitzen dela esan dezaket, erratzeko inongo beldurrik gabe gainera.

"Gure adinean ezin gara jolastu" eta "Jolasa ume kontua da" baieztapenak jolasaren inguruko edozein eztabaidatan argudio nagusiak izaten dira.

Zenbait pertsonari galdetuz gero, lotsa edo medio, gutxik aitortuko dizute egunerokoan jolasten direla, eta baietz esaten dutenek esango dute euren familiako gazteenekin aritzen direla.

Jolasa haurtzarora mugatu beharreko zer edo zer al da? Desinhibizioak eta, jolasak irauten duen artean, aske sentitzeak, gu geu izateak, ikara eragiten du. Ez dut zergatia ulertzen, azken finean, ume kontua besterik ez da eta.

LAGUN AGURGARRIA:

Bisitatzen ari zaren web-gune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide