Hotel plaza eraikin okupatuan egon ziren atzo Hesiheseko kideak

Erabiltzailearen aurpegia Julen Zubiete 2018ko irailaren 9a

250 errefuxiatu bizi dira Hotel plazan eta duela bi urte okupatu zuten. Atzo hainbat lan bete zituzten Laudioko boluntarioek han.

Atzo Hesiheseko kideek egun luzea izan zuten. Goizez turismo apurra egin zuten eta arratsaldez buru-belarri aritu ziren Hotel plaza eraikin okupatuan.

Bertan 250 errefuxiatu bizi dira; hamaika herrialdeko familiak, alegia. Laudioarrek sukaldean lagundu zuten afaria egiten eta, horrez gain, garbiketa eta antolaketa lanak gauzatu zituzten.

Gainera, betebehar horiek bukatuta, umeentzako kontzertu batean parte hartu zuten eta gero haurrekin dantzatu.

Hotela kudeatzen dutenek jakinarazi zieten gune ezberdinak daudela elkarlanerako. Bat da zaintza ahalbidetzeko. Izan ere, talde faxisten erasoak izan dituzte eta, ondorioz, 24 orduz kontrolatzen dituzte inguruak arazoak ekiditeko.

Beste gunea sukaldea da eta, azkenik, taberna dago, hoteleko zein kanpoko jendea harremanetan egon dadin. Gaur Hesiheseko kideek atsedena hartu dute asteari aurre egiteko.

Erredakzioa: Aitor Aspuru Saez
Argazkiak eta kronika: Julen Zubiete Iza

Jendartea Laudio

LAGUN AGURGARRIA:

Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide