Aurrekoan komentatu bezala, Al Rumbo festibalera abiatu ginen Chipionan (cadizen) Kanttu hotel batean utzi ta gero. Beheam duzue Berri Txarrak taldearen bideotxoa, eta nola ez... Kontzertu ederra eman zutena! (Laudiotarren bat ere ikusi genuen publiko artean).
La Ballena hondartza alboan aparkatu genuela esan genizuen eta anekdota moduan... furgora bueltatzeko bidea hondartzatik egin genuen, paseoa moztuta baitzegoen. Al izan genuenean berriro bidera igo ginen eta nola ez... Orientazio ederra Anek daukana... 'Hemendik goaz' esan zuen eta nik 'hortik ez gara etorri hemetik izan da'. Anek kale paraleloa zela behin ta berriz esan eta azkenean bere ipurdiaren atzetik joan nintzen... momentu ederra gps apurtuaren jarraibideei kasu egiteko! karkar, bidetik galdu ginen, buelta galanta eman genuen baina azkenik lortu genuen, hor errepidearen bukaeran gure furgoneta maitea zegoen, gu itxaroten! Zelako gogoak ohea hartzeko!!!
Lo egin eta hurrengo egunean esnatu bezain pronto Kantturen bila joan ginen. Eta hor zegoen, gu ikusi bezain pronto zaunka hasi zen, poztasunaren islada! Txakurra hartu Carmen agurtu eta Conil-erako bidea hartu genuen, ordu beteko bidea gutxi gora behera. Tripak soinuak egiten hasi ziren eta 'El Vazquito' izeneko taberna galdu batean gelditu ginen, izena erakargarria iruditu zitzaigun eta. Bertan denetarik zeukaten, tapak, bazkariak, garagardo freskua,... tapita eta edari bat hartu genuen eta hain goxoa zen bertan zegoen haize bolada ezen ratutxo baten geratzea erabaki genuela.
Conilerako bidea... Ordu bat furgoneta barruan. Conilera heldu eta camping bat bilatuta genuen interneten: El Faro camping-a. Conil herriaren kanpoaldean baina hondartzatik 5 minutura oinez, igerileku eder batekin eta guretzat garrantzitsuagoa zena: txakurrak onartzen zituzten.