Zinez, ene gardiz, jaietan hainbat ekitaldi bikainen artean, castellers horiek oso goian ezarri zuten aurtengo jaien maila. Haiek pozez gainezka joan zirela omen diote eta gu batzuk ere halaber, haien pozaz pozturik. Gu beti Kataluniagaz -esaten ei zuen Agirre lehendakariak– eta nosaltres amb Catalunya esan behar dugula uste dut. Orain inoiz baino areago.
Eta gure oihua han, haien aberrian, entzuna izan dadin oihu baino gehiago egin behar dugula ere uste dut. Gure alderdiek, abertzaleek ez ezik demokratak diren guztiek ere bai, zerbait egin behar dutela uste dudalako, hitzez gain, herritarrok kaleetara dei egin behar digutela iradoki nahi diet.
Kataluniako herritarrek ondo asko eusten eta bultzatzen dakitela erakutsi diguten bezala, euskaldunok ere eutsi goiari esan eta egin egin behar diogu. Hurrengo geltokia, beraz, Bilbon, hurrengo larunbatean, irailak 16. Etxeko patxadan geldituko ote gara euskaldunok, twiterren I love Cat esateaz nahikoa delako uste ustelean? Beste tren bati, gure historian hainbati bezala, iragaten utziko ote diogu oraingoan?
Gerta ala gerta, Kataluniak irabazi du. Egun, Diada, laster U-1, gero nik dakit zer! Baina deusik ere ez da lehengoa izango. Espainia ere ez. Eta Ghandik esan ei zuena: Garrantzizkoa ez da garaipena, bidea egitea baizik.
GORA KATALUNIA ASKATURIK!
Laudioko jaietan giza-gazteluak egiten jardun eta gero kataluniarrak gure artetik joan ziren, eta ziur aski, hemen laudioar baten ahotik entzun zuten azken hitza horixe izan zen: VISCA CATALUNYA!
LAGUN AGURGARRIA:
Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
Faktoria izan, egin zaitez bazkide.
Aiaraldea Hedabideko lantaldea.
Izan bazkide